E foliga ua manino mai o Tesema lea e ono faamamalu ai le faasāina ona toe faatau o le ‘ava malosi i supamaketi ma bottle stores pe a te’a le 9 i le po o aso ta’itasi.
O se lipoti lata mai o le mataupu lea ua lipotia ai e le Newstalk e lua tausaga lea o le a taofia ai ona toe faia nisi faleoloa e faatau ai le ‘ava malosi i le city ma isi nofoaga e 23 ua mata’itūina o loo tele ai lamatiaga ona o le ‘ava malosi.
O ia tulafono fou o se vaega o le Local Alcohol Policy faapuupuu i le LAP, ua tuufaatasia e le Auckland Council.
O le vaiaso na te’a nei na ioeina ai e le Council lea faiga faavae fou ma ua faatalia nei la le ioega mai le pulenuu ma Councillors.
Puna o Faamatalaga: https://www.newstalkzb.co.nz/news/national/auckland-booze-crackdown-no-alcohol-sales-in-supermarkets-liquor-stores-after-9pm-two-year-freeze-on-new-outlets/
