O se aso pisi lenei i Ueligitone ma poloka feoa’iga a taavale a o faatasitasi ai le faitau sefulu afe o tagata o le Hikoi.

E tuufaatasia tala o le taeao ua amata gasolo atu le to’atele, ma o le itula e 4 i le vaveao analeila lea na amata vaaia ai tagata savavali i luga o le auala.

O le asō le aso mulimuli o le solo tetee lenei ma o lea e faauma i le Palemene a o tetee ai pea i latou nei i le Treaty Principles Bill.

O se lipoti mai Ueligitone i le taeao nei e lē gata o tagata matutua ae o lea foi e iai ma le to’atele o fanau.

O se tasi lenei o solo tetee tele ma o le asō foi lea na lapata’ia ai e leoleo faapea le puleganuu o le aai, o le a matua’i poloka ai ma auala.

O le ta o le 9 i le taeao nei o loo faamoemoe e amata ai le savali, faamoemoe e tatau ona i le Palemene i le aoauli o le asō ma faasolo ai tautalaga ae faai’u i le koneseti i le po ananei.

Puna o Faamatalaga: Treaty hīkoi: Commuter disruption expected as protest reaches Wellington | RNZ News