Ua tele le sao ale Malo o Saina e ala i le atinae o galuega faafaatoaga i Samoa nei e pei ona iai se tasi o vaega mai lea atunuu e iai le tomai e faasoa ai metotia ao auala e mafai ai ona faatuputeleina le lelei o le itu tau faatoaga i nai o tatou tagata.
Ole malaga mai ai o sui mai se tasi o vaega o Saina oloo galulue i le vaega o faatoaga i Hunan taitaia ele Sui Faatonu ale Ofisa o Faatoaga i nuu i tua Lan Dingguo lea nao le tolu aso na atofaina mo lea faigamalaga mai.
E ui ile mamao ole malaga mai a nei sui mai Saina na muai la latou asiasiga ile nofoaga i Nuu oloo galulue ai sui mai Saina i ni poloketi tau faatoaga.
O ripoti mai sui oloo galulue ai i nei poloketi i Nuu lea e aofia ai le iai lea ose masini mo le tautuufua ai o moa, o faatoaga oloo ola lausiusi ai fualaau aina ma fualaau taumafa mata ma le faaogaina o masini e faatino ai galuega ile faatoaga.
I le aso lava lea na feiloai ai lenei aumalaga male Minisita o Faatoaga ma Faigafaiva Afioga LaaulialeMalietoa Polataivao Schmidt ma faatino ai nisi o fuafuaga e ala faigapaaga a Malo e lua.
Na faafetaia ai ele Minisita ia Laauli le fesoasoani tele a le Malo o Saina ua le fuatasi i se atinae le faasafua mai i atinae oloo manaomia ai e le atunuu le fesoasoani.
O i latou mai Saina oloo galulue i le itu tau faatoaga i Nuu o se vaega taua lea i le faaolaolaina o faatoaga ile atunuu ma e iai le naunaytaiga i Sui Faatonu ia Dingguo olea vave mai se taimi e oo ai lenei poloketi i leisi ona laasaga.
