Ua toe apili e le taitai o le Destiny Church,Brian Tamaki aiaiga a le faamasinoga e tusa ai ole tatala o ia I tua. Fai mai le Stuff e foliga o le a faatalitali Tamaki mo sina taimi faaopoopo ise faaiuga I lana apili ia iai ni nai fetuunaiga ia mafai ai ona faataga o ia e alu mo sana malologa.
O le amataga o le masina nei na talosaga ai le loia a Tamaki, Ron Mansfield QC mo le faia o nai suiga I aiaiga o le toe tatala ai o ia I tua ae sa teena e le faamasino Pippa Sinclair ma ua toe tulai ai Mansfield I le faamasinoga maualuga I Aukilani I le aso e apili le faaiuga a le faamasino mai le faamasinoga faaitumalo.
O le taimi nei e 24 itula le sa poo le curfew o loo iai Tamaki ile maea o aso e 10 na iai I le falepuipui ina ua fetauaina lona solia o aiaiga o le tatala ai o ia I tua ile taimi na agai ai ise tasi o solo tetee I Kalaiesetete. O loo feagai foi ma moliaga efaatatau I le solia ole poloaiga ole soifua maloloina lautele mo le koviti 19 le Covid 19 Public Health Order.
O lalo o ia aiaiga ua toe tatala ai I tua ua faasa ai ona toe faatulaga, pe auai pe lagolago foi ma faia ni ana faamatalaga ise solo tetee esolia ai aiaiga o le koviti 19. Ua faasa foi ona toe agai I le initaneti e taumafai e faaosofia ai le le usitaia o aiaiga o le faamai.
