E ono isi vaa ua faia iai e le Ofisa o Tupe a Amerika, le US Treasury, sā poo sanctions ina ua maua se vaa suāuu i gataifale o Venezuela.
Saunoa le failautusi, press secretary o Karoline Leavitt i le BBC, o le vaa lea e iloa tele i le feavea’iina o suāuu i maketi uliuli poo maketi faasolitulafono ma ua lipotia le fuafua o Amerika e ave le suāuu mai le vaa lea e ui e iai se gaioiga faaletulafono e tatau ona faatino muamua.
Ua tuua’ia e Venezuela le malo o Amerika e faatatau i le matāupu lea.
E to’atolu isi alii o nephews o le Peresetene o Nicolas Maduro na faia foi iai ia sā ae o loo tumau pea le mau a Trump o Maduro lea na te faamalosia le oo ane o le ausolitulafono i Amerika ma o loo ia aafia i le ave faananā ane o fualaau faasāina i le malo tele.
O loo tetee Venezuela i ia tuua’iga ma o loo tālia le isi laasaga i lea matāupu.
Puna o Faamatalaga: https://www.bbc.com/news/live/cy07yk63x80t
