Ua faailoa e Amerika ua sauni e ofo atu ia Ukraine le ituaiga puipuiga e ono tuuina atu e le Nato e malutia ai pe a faataunuuina ona taofia loa vesiga i le atunuu.
Ua faia lea faamatalaga mai ia Amerika i le mae’a mai o talanoaga sa faia i Berlin ma ta’ita’i o Europa faatasi ai ma sui mai Kyiv.
Ta’ua e Amerika o aiaiga malolosi o lea puipuiga o le a faailoa i faamaumauga o le Article 5 a le Nato ma ta’ua ai e talosia e talia lelei foi ma ioe iai Lusia.
Fai mai Zelensky e tulaga lelei le fonotaga ae e lē faigofie.
Ta’ua e Trump i sana faamatalaga e uiga i le matāupu lea, ua lalata lava ina maua se tonu o lenei matāupu ma taunuu i se maliega filemu.
O le Aso Gafua la o le a toe faia ai nisi talanoaga a isi ta’ita’i o Europa ma le peresetene o le Komisi a Europa faatasi ai ma sui mai Ukraine ma Amerika mo le aga’i i luma o nei taumafaiga.
Puna o Faamatalaga: https://www.bbc.com/news/articles/cjrjq2v7l3po
