Na faalavelavegia se tasi o tapua’iga o le Aso Sa i le setete o Minnesota i Amerika ina ua aga’i atu iai nisi o le autetee faasaga i le vaega a le ICE poo le Immigration and Custom Enforcement, i latou e feagai ma le auaunaga tau femalagaa’iga ma le tiute.
Fai mai le autetee o le latou finau e iai lo latou talitonuga o se tasi o faafeagaiga e suafa ia David Easterwood, e faigaluega i le vaega lea a le ICE.
Faailoa ai e le Loia Sili o Pam Bondi o loo tali atu pea i faiga faasolitulafono nei e faaaogā ai le malosi o le tulafono.
Ua lipotia i le 9News e to’atele tagata na aga’i ane a o faia ia sauniga ma faataututū ai ma tagata lotu.
Fai mai molimau a isi o le autetee, na o ane e tetee i lea faafeagaiga.
Ua folafola la e le sui Loia Sili o lea faaitu ua faia nei le su’esu’ega poo ai e sa’o ae e lē o fiafia i le gaioiga na faia e i latou sa aga’i ane i totonu o le malumalu tapua’i ma faalavelave ai i le tapua’iga.
Puna o Faamatalaga: https://www.9news.com.au/world/minnesota-anti-ice-church-protest-after-renee-good-shooting/c4441566-9b9e-4fd5-84d2-bddb024c9aa1
