Ua sainia nei e le Peresetene o Amerika, Donald Trump se poloa’iga e amata ai ona faama’ape le Matāgaluega o A’oga a le atunuu ma faataunuu ai se tasi o folafolaga a le faigamalo ina ia aveesea lea auaunaga e ui ua laga ai le mau fesili e faatatau i le faitau miliona o a’oga faalaua’itele i le atunuu faapea nonogatupe a tamaiti a’oga ma mātua.

Fai mai le CNN e le’i iai se Peresetene muamua i le talafaasolopito o Amerika ua ia faatino lea tulaga ma o le tapunia o se auaunaga faapea e mana’omia ai se ioega mai le konekeresi lea na o latou faatū le matāgaluega lea i le 1979.

Sa faailoa foi i se taimi ua sola e sui o le faigamalo a Trump e moni e lē o ia i latou le aofa’i o palota mana’omia e mafai ai ona faatino lea tulaga peitai la o lea ua sainia lava e Trump le poloa’iga lea ua faatonuina ai le failautusi o le matāgaluega ina ia faatino gaioiga uma e faamautinoa ai le tapunia o lea matāgaluega ma toe faafoi uma pulega tau a’oa’oga i setete.

Puna o Faamatalaga: https://edition.cnn.com/2025/03/20/politics/education-department-trump-executive-order/index.html