Ua faamata’u ane le Peresetene o Amerika o Donald Trump o le a ono faaopoopo le isi 50 pasene o totogi faaopoopo poo tariffs ia Saina pe afai e oo atu a taeao e lē aveesea le latou tiute ua tuuina i oloa a Amerika.
Ua faailoa e le CNN o maketi faavaomalo ua maitauina i le vaiaso nei le faaitiitia o tulaga tau fefaataua’iga ae faapea foi i oloa mai Amerika.
Fai mai o loo faia le fonotaga a Trump ma le Palemia o Isaraelu o Netanyahu i le fale pa’epa’e i le mae’a ona tuuina foi e Amerika o le 17 pasene tariffs ia Isaraelu.
Ua iai foi lipoti ua ta’ua ai o loo faatulaga foi se fonotaga a Amerika ma Iran mo le Aso Toonai e pei ona faamaonia ane e le minisita o le va i fafo a Iran.
O le faamatalaga mai le BBC ua ta’ua ai e 34 pasene tariffs ua tuuina e Saina i luga o oloa a Amerika e faafetaui mai ai tariffs a Trump ua faia atu i lo latou atunuu.
Puna o Faamatalaga: https://www.bbc.com/news/articles/c8rgkkl7v8lo
