Ua folafola e le Peresetene o Amerika, Donald Trump ua ia faatonuina le faigamalo ina ia toe tatala ma faalautele le Alcatraz, le nofoaga o le falepuipui tele a Amerika o loo iai i se motu o Kalefonia ma ua silia ma le 60 tausaga talu ona tapunia.
Ua faailoa e Trump ua fai si umi o aafia Amerika i aafiaga o faiga a tagata e faaaauau pea ona soli le tulafono ma aafia ai tagata, ma o taimi ua sola sa le’i faatali lava le tulafono ae ave i latou ia e taloka ma aveese atu i se nofoaga maotua e lē mafai ai ona latou faaoo ni tigā i nisi ma o le faiga tonu lava lea e tatau ona iai.
Fai mai Trump ua ia faatonuina le pulega o falepuipui ina ia toe tatala le nofoaga lea ma fai lelei e ave iai pagota aupito faigatā ma solitulafono soo i Amerika.
I le taimi nei o le nofoaga lea e iai le falepuipui le Alcatraz Island o se nofoaga taatele mo tulisi ma o loo faamauina o se tasi o nofoaga faamauina i talafaasolopito o le atunuu.
Puna o Faamatalaga: https://www.9news.com.au/world/donald-trump-to-reopen-alcatraz-prison/dc6f5100-fa40-4b43-90f2-7d9690488312
