Ua faitioina e Trump ta’ita’i o le Atu Europa ona o le vaivai ma ua ia ta’ua foi e ono toe faatuai teisi le lagolago a Amerika mo Ukraine.
Saunoa Trump i le faatalanoaga i luga o le polokalame o le Politico ma o loo lipotia e le BBC, o atunuu o le Atu Europa ua lē mafai ona o latou faatonutonu le aga’i atu o tagata i o latou atunuu ma faatino se gaioiga e uma ai le taua i Ukraine.
O se faamatalaga o loo tali ane iai le failautusi o le va i fafo a le United Kingdom, Yvette Cooper e faapea o loo ia vaaia pea le malosi o Europa aemaise i inivesi ua faia i le itu tau le puipuiga ma le fesoasoani tau tupe mo Kyiv.
Ina ua fesiligia e le polokalame lea Trump i sona finagalo pe ono faamuta e Europa le taua i Ukraine, na tali Trump, o Europa e na o le tautatala ae leai se mea e faia ae o loo faaauau pea lava le taua.
Puna o Faamatalaga: https://www.bbc.com/news/articles/clydlwldkvko
