Ua faailoga e Amerika se tasi o faalapotopotoga i Colombia o se faalapotopotoga e faagaioia ai le feaveai o fuala’au faasāina i totonu o Colombia, o se kulupu faatupu faalavelave.
Lpotia e le BBC, o le Vaega o Tupe poo le Treasury a Amerika ua o latou faamauina le faalapotopotoga lea e igoa o le Clan del Golfo poo le Gulf Glan i le faaperetania, o se tasi o faalapotopotoga faatupu faalavelave faavaomalo.
O se gaioiga ua atili faamautū ai le finau atu o le faigamalo a Trump e tete’e i fuala’au faasāina.
Ta’ua i ripoti a le BBC e iai gaioiga faasolitulafono e aofia ai le kulupu lea mo le tele o tausaga ua tuanai aemaise lava i le aumaia o le cocaine mai Colombia.
Fai mai e toatele ona sui ma e iai isi kulupu faapea latou te galulue faatasi. I le faatinoina la ole gaioiga lea a Amerika ua faailoa ai foi e le failautusi o Amerika o Marco Rubio ole kulupu lea sa iai foi ona sootaga i osofaiga faatupu faalavelave sa faia i ofisa o le malo faapea sui ole militeri aemaise tagata o Colombia.
Puna o Faamatalaga: https://www.bbc.com/news/articles/cpq4wgle4x5o
