Ua amata usuia i le vaiaso nei le fono tele i Malua e pei ona tomua i fono masani a komiti eseese e faamautu ai mataupu uma o le a tuuina atu i le laulau a fono o le fono tele i le vaiaso fou.
Ua tumutumu ai usugafono i le laumua o le ekalesia faapotopotoga kerisiano Samoa mo lana ua toe foi i le masina lenei o Me e tauaofia ai i tausaga taitasi, ina ua tuanai le tausaga 2022 na usuia ai i le masina o Setema mo le taimi muamua.
Na mafua lea ona o le taimi tonu lea na toe tatala ai tuaoi o Samoa i faigamalaga masani, ina ua mae’a tapu ma vavao o puipuiga o le atunuu mai le faamai matautia ma le malosi o le pipisi na fano ai le tele o ola ma soifua o tagata i le lalolagi, le korona vairusi poo le Koviti-19.
