Ua amata toulu le aisa i le Southland, ma o lea foi ua lapatai taavale feoai.
A o mamafa timuga ma faititili i le pito i luga o le atunuu, o le itu i Saute o Niu Sila lea ua vave oo mai le malosi o le tau malulu.
E feololo le malosi o le aisa toulu i le va o Mossburn ma Te Anau i le aoauli ananafi, faasolo mai ai i Dunedin anapo ma o le mamafa o le aisa toulu o lea na molimauina mai le afiafi ananafi ma faasolo mai i le taeao nei i Matu o Southland, Fiordland ma Saute o Otago.
Mai le Waka Kotahi o lea na mamau ai ma nisi o taavale ananafi, ma ua fautuaina ai foi i latou o loo uia auala o loo to’a ai le aisa e faaeteete.
I luga o le upega tafailagi a le Waka Kotahi o lea o loo iai le lisi o auala o loo malosi ai le aisa ma lapataiga.
Ae mo le au failafumanu, o lea foi ua fautuaina e toe tagai i lafu manu ona o le malosi o le malulu.
