O le taeao nei ua amata ai le tetee a le aufaigaluega a le Immigration o loo galulue i tuaoi.
O se tetee ua faia ai i le mae’a teena e le malo o le talosaga ia faia se siitaga o totogi, ma o lea na amata tetee sui o le aufaigaluega a le matagaluega o pisinisi ma galuega i le amataga o le masina, peitai o ē o loo galulue i tuaoi e moomia se isi taimi faaopoopo e faatāpena ai.
O le tā o le ono i le taeao nei na amata ai ma e faauma i le aso 20 o le masina fou, ma e tusa ma le 100 sui o le PSA o loo galulue i tuaoi o le a o uma i le tetee.
O se finagalo faaalia o le sui o le iuni, ua lē amana’ia e le malo i latou ma o lea ua savali le tasi tausaga o faia pea feutana’iga.
A o faia ai le tetee ua faamautinoa mai e sui o le aufaigaluega o loo galulue i tuaoi, o le a taumafai lava ia aua ne’i tuta’ia le auaunaga peitai e ono iai lava le faatuai.
O talanoaga o totogi ua mafua ai ona faia tetee o loo faia nei, e amata faasolo i le masina fou.
Puna o Faamatalaga: Immigration border staff to strike on New Year’s Eve – NZ Herald
