Ua amata ona tumutumu ma uumi queue i pamu penisini a o toe ai o le asō ma a taeao uma le faamāmā avega o loo pa’ū ai le tau o le suauu.
Na molimauina ananafi i Aukilani i le tele o pamu penisini le uumi o laina a taavale e faatalitali le avanoa e oo ai i luma e utu.
O le aso a taeao le aso mulimuli e toesea ai le 25 sene mai le lita o le suauu, ma o lona uiga e Aso Toonai ane ua toe faaopoopo le lata i le 29 sene i le lita, pe a tuu iai ma le GST.
O ananafi lea na vaaia ai le vaaiga lava lea e tasi i le tele o pamu penisini i Aukilani, ae o le Aso Toonai talu ai o le pamu penisini a le Costco e pei ona molimauina e tala fou.
O lea lava foi na fautuaina e le sui o le AA avetaavale i le vaiaso talu ai e vave agai i pamu penisini a o lei oo a taeao ona o le tumutumu ma e ono aafia ai foi ma le sapalai.
