E faitau afe tagata i Sini ua amata nei le galuega o le faamamāina o fale ma fanua ina ua malosi mo le uluai taimi i lenei vaiaso le susulu o le la.
O loo iai pea isi vaega o le setete o Niu Sa Uelese o loo maualuga ai pea le vai ma o loo fautuaina pea i latou e aumau ai i faaitu ia ina ia lava le onosai seia saogalemu lelei. O se tina e 72 tausaga le matua na lavea’ina mai ina ua poloka lana taavale i tafega ma semanu vave oo atu le fesoasoani a le au lavea’i na mafai ona faasaoina mai ai. Na togafitia ona o aafiaga o le mālūlū ma le lē lava o le malosi i le falema’i i Kempsey.
Na lavea’ina mai foi se tamaititi e 10 tausaga ma lona tina ina ua lolovaia le latou fale i le faaitu o Niu Sa Uelese. Na ave le faamālō a le Premier o le setete i le aufaigaluega lavea’i ma volunteers ona o le latou sao i le lavea’ina o soifua o le atunuu aemaise lo latou sao faifaipea i komiuniti e manaomia fesoasoani.
