O le aso lea ua amata faamamalu ai siitaga e le gata I le totogi aupito maualalo o galuega lea ua sii atu I le $21.20, o tau o femalagaaiga lautele ua faa afa, siitia le working for families tax credit faapea foi ma le superannuation ma isi penefiti pei ona faamaonia I se saunoaga a le tamaitai palemia Jacinda Adern.
O se faatatau a le malo ua fuafua o le a fesoasoani ai ia I latou e itiiti le tupe maua aemaise foi le au matutua, peitai o nisi o lipoti ua agiga I le aso ua faailoa ai e nisi e ui I nei siitaga peitai ele taitai gafatia ai le taugata o le soifuaga I lenei vaitau.
Faailoa i faatalanoaga ma nisi I le newshub o le taugata o fale mautotogi I le taimi nei o le a faigata ai foi ona iloa ma lagona ua iai se suiga I penifiti ma faamama avega e pei ona taua.Ose faamatalaga foi a le minisita o le Social Development Carmel Sepuloni pei ona faailoa I le televise a niusila ua taua ai o le a gafatia I siitaga I le penefiti le taugata o le soifuaga.
Na faailoa foi e le minisita e moni e iai nisi o le a feagai pea ma faigata ae ua iai sitepu ua faatulaga e le malo ina ia maua ai se suiga ma o loo maumaututu le malo ile faatinoina o lea tulaga.Faamanatu foi e le minisita I tagata ia manatua e le na’o tupe maua ae e ao foi ona silasila I isi vaega o le soifuaga e pei o auala o feoaiga, meaai I aoga, fale mo le lautele ma togafitiga tau le soifua maloloina e mafai ona gafatia.
