O ananafi le aso muamua na amata faamamalu ai le aveesea o telefoni mai aoga, faatulafono ai ma aoga ia faamautinoa e lē mafai ona tagofia e tamaiti telefoni i le taimi o vasega, malologa ma le taimi e fai ai breaks.
O le lua masina a o lei faia le palota na folafola ai e le National le tulaga lea ia fesoasoani ai i tamaiti e taulai i le faaleleia o aoaoga.
E eseese finagalo faaalia o nisi i upega tafailagi i le faiga lava lea aemaise foi o manatu faaalia mai tamaiti aoga.
O nisi lu’itau ua faaleo mai nisi o aoga e pei ona faailoa i le One News o le faigata lea o le aoina ma le teuina o telefoni i le aoga pe a agai atu tamaiti e o i vasega, o le faaeteete gata foi ma faigata le vaaiga o le fia selau o telefoni auā toeitiiti tofu uma tamaiti aoga ma telefoni.
Faailoa foi e nisi tamaiti aoga o se fuafuaga lenei lea auā o le a leai ai ni faalavelave a o alo le tamaiti i le aoaoina o le mafaufau i aso taitasi.
Puna o Faamatalaga: https://www.1news.co.nz/2024/04/29/mobile-phone-ban-in-schools-begins-today-but-will-it-work
