Amata atu I le aso ua amata ai ona mafai ona faia ma agavaa le silia ma le 4.1 miliona o tagata ausetalia e faia leisi tui puipui faaopoopo lona lua poo le second booster mo le koviti 19.

O I latou ua agavaa nei e aofia ai tagata ua silia ma le tai 65 tausaga le matutua, tagata apoliki ma torres strait island ua tai 50 tausaga ma sili atu ma tagata tai 16 tausaga ma sili atu e iai nisi tulaga tau le soifua maloloina e aafia ai. 

E tatau ona fa masina le va ma le uluai tui puipui faaopoopo sa faia ma ua mafai foi ona faatulaga e tagata appointments mo le faia o ia tui I luga o upega tafailagi. Ua faaopoopo pea tagata aafia I le koviti, o le aso ananafi na faamauina ai I ausetalia tagata maliliu e toa 17, e 11 mai Niu Sau Uelese ma le toatolu mai western Australia.

Mo Niu Sau Uelese e 15,572 cases fou male toaono ua maliliu. O Vitoria e 10,011 tagata aafia ma le toatasi ua maliu. ACT e 739 tagata ua  faamaonia , leai se soifua maumau ma le toa 45 I le falemai. Ia atoa ai ma Kuiniselani e 7,707 cases fou ma le toatasi ua maliu. Western Australia 6,082 tagata aafia ma le toaono maliliu.