Ua amata nei ona faaaoga i le atunuu se fesootaiga fou ua faaigoaina o le Maua Pay e taua tele ma vave mo faigapaaga a pisinisi i le atunuu ma le au faipisinisi i atunuu i fafo aua le okaina o oloa.
O se faiga fou lenei ua amata mea ai le kamupani a le Skyeye o loo umia ma faagaioia e se tamalii talavou a le atunuu le tōfa ia Faasootauloa Sam Saili.
Faaalia e le Kamupani i se pepa o faamatalaga o le a lē toe tau tatalaina ai se teugatupe i se faletupe a se pisinisi ina ia avanoa ai fesootaiga ma pisinisi i fafo mo le faamautu ai o seleni e oka ai ni oloa ae o le Maua pay o le a vave ia fesootaiga tau initaneti o le a faaaoga ai.
O se auala lelei foi o le a mafai ona galulue ai ma se fesootaiga ua taua o le MTala o loo faagaioia e le Kamupani telefoni a le Vodafone.
