O le asō ua amata aloaia ai suiga mo aiga ma fanau ua umi se taimi o nonofo i faletalimalo o loo totogi mo emergency housing.

O le faamaoniga lea mai le minisita lagolago o fale, Tama Potaka, ma o aiga nei ma fanau ua silia ma le 12 vaiaso o nonofo pea i faletalimalo o loo totogi e le malo e tauala mai i emergency housing.

O le suiga ua iai nei o le a see mai ai aiga ma fanau nei ma faamuamua i le lisi faatalitali o fale i le social housing.

E oo mai i le masina o Tesema o le tausaga talu ai o le 60% o le 3,100 aiga ma fanau e 3,186 o loo nonofo i faletalimalo nei e faaaogā e le emergency housing, o i latou nei ua silia ma le 12 vaiaso o nonofo pea i faletalimalo.

I faamaumauga ua toe faalauaitele mai i tua o le silia ma le ‘afa o tagata o loo nonofo i faletalimalo nei i lalo o emergency housing o tagata Maori.

O isi suiga mo emergency housing o le a toe iloilo ai taiala e agavaa ai i lenei fesoasoani ma ia mautinoa o loo avanoa mo na o i latou o loo matuai moomia.

Puna o Faamatalaga: Social housing shake-up starts – Waatea News: Māori Radio Station