O le a auina le vaa a le ami e Niu Sila e laveai mai ai tagata Niu Sila faapea tagatanuu Afghan na galulue ma sui o le ami a Niu Sila
I le maea fono o le kapeneta ananafi ua faailoa ai e le taitai o le atunuu, Jacinda Ardern e 53 tagata Niu Sila ua faamauina o loo I Afghanistan ma le 37 tagata Afgan na galulue faatasi ma le ami a Niu Sila
Ao tapena le vaalele a le ami mo lea galuega laveai, e tusa ma le 40 sui o le ami a Niu Sila ua tapena e o, ma e faapea e oo atu I le 4 vaiaso lea o loo fuafua e o ai
O le aso a taeao o loo faamoemoe e tuua ai e le vaalele a le ami Niu Sila mo Afghanistan, ma e le o mautinoa pe tulaueleele I Afghanistan pe leai
Ua faamanino ai foi e le palemia o lea ua toe suia e le kapeneta aiaiga e agavaa ai tagatanuu Afghan na galulue ma le ami a Niu Sila
O tagata Afghan nei e 37 na fesoasoani I misiona a le ami a Niu Sila na auina atu i Afghanistan I tausaga ua sola e tusa ma le 200 tagata o o latou aiga
O tagata Afghan o loo fia sulufai mai iinei o le a faamaonia e le matagaluega o le va I fafo a Niu Sila faatasi ma le Immigration
O Niu Sila le isi atunuu na maumau ai soifua o le toa10 mai le 3500 tagata galulue na auina atu e tausi le filemu o Afghanistan, ma o loo maualuga le talitonuga o Jacinda sa tele le sao o I latou nei I soifua o tagata Afghanistan
Ua tutu faatasi ai Jacinda ma taitai o le toatele o atunuu ma faatalosaga atu I taitai o le Taliban e faataga mai se avanoa sei aveesea mai ai tagatanuu Niu Sila faatasi ma I latou na galulue faatasi ma le ami a Niu Sila
