Ua aloaia le suiga o le a sui ai faiga e tuliloa ai e leoleo taavale e lē tutū i luga o le auala.
Ua sau i le mae’a tuli o le 10,000 i le tausaga talu ai e tusa lea ua faaluaina le aofai na faamauina i le 2020.
O le faiga tuai sa iai e aofia ai faaiuga e le soona tuliloa soo se taavale pe afai e maualuga le tulaga lamatia e le gata i leoleo a o tagata lautele, ma a o lē tele ai se faamatalaga i le faiga fou na aloaia mai le aso ananafi, ae ua faaalia e nisi o tagata suesue lo latou popole ina ne’i avea lea ma auala e atili faaopoopo ai ma tagata maliliu mai tuliga nei.
O le faaiuga o le vaiaso faatoa uma atu o lea foi sa faia ai tuliga a leoleo ma se tasi o taavale i Dunedin ma na maliu ai le toatasi ae manunu’a le toatolu i totonu o le na o le tasi le minute talu ona tuli ona o le gaoi.
Ua fai mai ai ma leoleo o se suiga o le a faaopoopo ai tuliga nei i luga o le auala e fua lava i le solitulafono, ma e lē tele se tala e mafai ona tuuina mai ona e le o mananao e iloa e le ausolitulafono a latou metotia.
