Ua saunoa se Minisita o le kapeneta a Kiribati na mafua ona lē mafai ona feiloai ane lo latou PerIsetene o Taneti Maamau i le Minisita o le Va i Fafo a Niu Sila, Winston Peters ona o se fuafuaga tāua ua maea faatulaga e auai ai.
Saunoa Alexander Teabo ole Minisita o Aoga i le Kapeneta a Maamau i se faatalanoaga i le RNZ, e tāua le iloa o le mea moni.
O loo i Fiti nei Maamau mo lana uluai malaga faalemalo i lea atunuu ae ua faailoa e Peters i le lipoti lea ua le mafai ona faamautu le fesoasoani tau tupe faaauau pea i Kiribati i le maea o fonotaga e tolu ua le taunuu i nai masina ua tuanai atu.
O se sooupu mai le ofisa o Peters ua ia faailoa i le lipoti lava lea o le malaga a le Sui Palemia o Peters i Tarawa o lana uluai malaga lea i lea faaitu i le silia ma le 5 tausaga ae tei ua faailoa ane ua le avanoa le alii Perisetene mo le fonotaga.
Faamanino e le Minisita o Aoga a Kiribati e tāua foi le faamoemoe na ala ai ona le auai le latou perisetene ma o le malaga a Peters na faaleaoga atu lava e le faigamalo a Niu Sila.
Ua faailoa e le RNZ o le polokalame fesoasoani a Niu Sila ia Kiribati e silia ma le 100 miliona tupe Niu Sila.
Puna o Faamatalaga: https://www.rnz.co.nz/international/pacific-news/540145/nz-kiribati-fallout-maamau-govt-minister-says-impacts-to-be-felt-by-the-people
