Ua vaavaai le malo ua tatau ona faasā taaloga petipetiga o loo faia online ma o loo faia i fafo atu ma le TAB.
O lona uiga o le a mafai ai e le malo ona faatonutonu le siomaga o loo faaofiofi mai ai i totonu taaloga faitupe e faia online ma e le gata o le a taofiofi ai tupe i totonu o le atunuu ae o le a tuuitiitia ai foi le lamatia mai aafiaga o taaloga faitupe nei e faia online.
Fai mai ai le minisita o loo vaaia taaloga faitupe, Kieran McAnulty e 25 tausaga o le faigafaapaaga a le TAB ma le kamupani Peretania a le Entain ua faamaonia ma e tusa ma le $900 miliona tupe maua mai ai i totonu o le 5 tausaga o le a fesoasoani i tuuga.
Talu ona ofi mai i totonu taaloga fai tupe e faia online, e lei toe faigofie mo le TAB, ma na ta’ua e le minisita ua tele tausaga o gau ai le TAB peitai o le TAB o lea na faia faapitoa lava e na o ia i totonu o le maketi o taaloga faitupe a Niu Sila ma le faamoemoe o i e sau ai tupe e toe faatupe ai tuuga e iai tuuga solofanua ma isi taaloga.
