Ua agai ese mai nisi o tagata e aumau i vaega o Ausetalia i sisifo poo western australia aua o le aso lea e aafia ai i le afa malosi o Ilsa.
Fai mai le vaaitau e oo atu le malolosi o matagi o le afā i le 240km i le itula a o agai atu i gataifale o lea faaitu.
O loo matauina e le vaaitau e fuafua e kolosi le afā lea i gataifale o le setete i le va o Port Headland ma Broome i le taeao a taeao ma ua maitauina le agai pea i luga o lona malosi i le Vaega 4 poo le Category 4.
E oo atu i le taimi e taunuu ai i laufanua o Western Australia ua ono oo atu le malolosi o matagi i le 275km i le itula i lona ogatotonugalemu, o timuga e 200 i le 400 milimita le mamafa ma e ono aafia ai foi i lologa.
