E lē o mālōlō lava galuega faatino a le auaunaga o le tineimu ma faalavelave tutupu faafuase’i, e tali atu i le mata’utia o mū e tula’i mai; e pei ona māua foi le sasao ai o se afi tele i Waiinu Beach i Saute o Taranaki.
Māua pe ā ma le kilomita faatafafā le telē o le vaomatua ua faatama’ia ma faaleagaina e le mū.
Ta’ua le faatino ai o fuafuaga a le vaega o le tineimū, e ono fautuaina tagatānuu o loo aumau i ia faaitu ina ia aga’i ese, o puipuiga lava mai le tetele o asu uliuli ua amata ona lilo atu ai vaega uma o latou nofoaga.
Na faatulaga ai se nofoaga e mapu aga’i iai nai aiga pe a oo lava ina tetele le mū ma oo ai ina lē saogalemu e pei ona iai le Waverley Community Centre.
E oo atu i le 10 vaega o tineimū poo fire crews na galulue malosi e tau tineia le afi, faaopoopo atu ai ma vaalele helikopa ma le tele o vaega faapitoa poo specialist units.
Faamauina o le malolosi tele o savili na faigatā ai ona tapē le afi.
Na amata faatino mai lava galuega o le aoauli o le Aso Gafua, ae faato’ā maua se to’a i le afiafi.
Puna o Faamatalaga: https://www.nzherald.co.nz/nz/firefighters-battle-large-waiinu-beach-fire-nearby-residents-may-be-evacuated/LQOCB7DCJBCRBHFMOJ4HNHE5V4/
