O loo faaauau ona aafia faigamalaga a vaalele a New Caledonia ona o le tetee i le va o le kamupani vaalele a le Air Caledonie ma le iuni o loo tu mo tagata faigaluega.
E leai se faigamalaga na taunuu i le Aso Gafua o le vaiaso nei, toe sau ai ananafi o lea lava na iai malaga na lē oo.
Na faia ai ma le fonotaga a le malo, le iuni faapea le kamupani vaalele e saili se fofo o le faafitauli ma o lea ua tuu atu iai le faai’uga o le vaiaso nei.
A o faatali ai i le faai’uga o le vaiaso o lea ua faamuta e le iuni le tetee.
O le tetee lenei o loo tu malosi ai le iuni e toe faafaigaluega le tamaitai pailate e talitonu e le’i sa’o le mafuaaga e le’i toe faafou ai lana konekarate ma o lea ua faamālōlō.
Ona o lea ua faamuta e le iuni le tetee, ua lē iloa ai nei poo fea lea o le a aga’i iai le finauina o lenei mataupu lea e talitonu le iuni, e lē o maua e le tamaitai pailate ua faamālōlō nei avanoa o loo tuuina atu i isi pailate.
