Ua lipotia mai e 80 afifi ua aveesea mai se tasi o falemeli i Melepone ma e talitonuina e fua i lipoti mai le 9News, e iai se alii na ulufale faamalosi i le falemeli lea i Mentone ma aveesea mai ai nei afifi.
O loo ta’ua i le lipoti ina ua taunuu i totonu o le falemeli, sa ia faaaogā se trolley e la’u iai le uta o afifi ma sola ese mai ai. O loo faamatalaina o se alii papalagi ma sa ia faaaogā gloves ma pupuni ona foliga.
Ua talosagaina e leoleo le fesoasoani a nisi e silafia lea alii ina ia fesoota’i vave ane pe logo foi le Crimestoppers auā e lē taumate e iai ni nai aiga sa faatali mo afifi o le Kerisimasi e lē iloa poo aofia atu ai i le uta lea ua leiloloa mai le falemeli ae o le a oo mai le Kerisimasi.
Puna o Faamatalaga: https://www.9news.com.au/national/parcel-theft-more-than-80-packages-stolen-victoria-post-office/480a25b4-a31a-4688-86e6-c22cf6a0225f
