I le toe tolu aso mae’a le masina ua alu atu nei o Aokuso ae faamauina i le lipoti lata mai a le matagaluega o le soifua maloloina le pesia ai o tagata e 72 i le faamai o le Koviti-19.
I lea aofaiga o le toa 66 o gasegase fou mai le lautele o le atunuu ae toaono o pasese na malaga mai fafo. Ua faamauina ai le siitia o le numera o tagata i Samoa ua aafia i le siama o le koviti e 15,839.
E toaiva gasegase o loo taofia i le maota gasegase i Motootua i le taimi nei, ae leai ni gasegase o taofia i potu tigaina. O faamaumauga nei mai le soifua maloloina i totonu o le fitu aso mai le aso 21 i le aso 28 o Aokuso.
I tuipuipui o le Koviti-19 ua faailoa mai foi e le matagaluega o le soifua maloloina e tusa o a latou faamaumauga, o le 94 pasene o tagata mai le matutua o le 18 tausaga ma luga atu ua mae’a tui e lua, 93 pasene o i latou i le matutua o le 12 i le 17 tausaga ua mae’a tui e lua, ma le fanau mai le 5 i le 11 tausaga ua uma foi tui e lua.
O le tui faaopoopo muamua le booster ua faamauina le 78,168 ua mae’a, ma le 766 o tagata ua mae’a le booster tui faaopoopo lona lua, o lona uiga oi latou ia ua fa tuipuipui ua faia.
