O le a faaopoopo vaa e iai meatau i ogasami o Ausetalia i lalo o le fuafuaga ua faailoa mai e le faigamalo.

O le fuafuaga ua faaagaga ai le vaegatupe e 54 piliona ua faia i le mae’a o se iloiloga na faia i le auaunaga a le Royal Autralian Navy faauluulu i le alii Amerika ua litaea o Admiral William Hilarides.. 

Saunoa ai ma le minisita o puipuiga a Ausetalia Richard Marles o vaa ia o le a lagolago ai vaatau e 9 i le tier 11 ma isi vaa tau e ono o loo fausia i Adelaide. 

O isi foi vaa laiti ane o loo faatulaga i le vaega ua faaigoa o le Tier 2 o le a fausia lava i Western Australia e faaaogā ai fausaga mai atunuu i fafo.

O le a maua ai ma avanoa faigaluega e 3700 i le itu i Saute ma Sisifo o Ausetalia ma ua maua i lipoti o lenei fuafuaga ua faatupeina atoatoa ma ioeina e le komiti o iloilloga a le Kapeneta.