E 5 trains ua toe faafou na faailoa aloaia ananafi, ma o se amataga mo le Capital Connection.
O auaunaga nei a train o loo fealuai i le va o Palmerston North ma Ueligitona ma o loo feaveaia ai foi ma pasese mai Kapiti Coast.
I le sauniga aloaia na faailoa ai ananafi na faafetaia ai e le sui o le Council a Horizons le malo i le faatupeina o lenei galuega tele lea ua toe faaleleia ai trains a le Capital Connection.
Ae mai le minisita o femalagaa’iga, David Parker, o ni trains ua toe faafou e faatalitali ai trains fou o le ituaiga hybrid lea o loo faatali poo le isi lima tausaga.
O trains ua toe faafou o loo sau ai nofoa fou, kapeta, laulau, fale lē ta’ua faapea ma le café e mafai ona faatau ai kofe.
O trains fou a le Capital Connection ua faailoa e amata feoai mai le Aso Gafua o le vaiaso a sau.
