E 5.1 le malosi o le mafuie na luluina ai Canterbury anapo, ma e silia ma le 4,500 tagata ua lipotia na faalogoina.
E 21 minute e tea ai le itula e 9 anapo lea na luluina ai le ogatotonu o le taulaga o Methven, e tusa lea ma le 100km i Sisifo o Kalaiesetete, ma e faapea e 5km lona loloto.
I luga o le social media e toatele tagata na molimau i le mafuie, ma o nisi e nonofo i Ashburton, Hokitika, Timaru ma Winchester.
I luga o le Twitter na ta’ua ai foi e nisi le faaauau pea ona faalogoina o mafuie laiti mulimuli mai i le mae’a lulu o le mafuie na muai faalogoina.
Ae mai le GeoNet e lē o se mafuie malosi.
