E silia ma le 30 itula o nonofo tupulaga e toalima i luga o le taualuga o le fale o loo tuli ai faasalaga o talavou i Aukilani, poo i latou nei mai le 14 i le 18 tausaga.
E tele mea ua faaleagaina o le Korowai Manaaki Youth Justice Residence i Wiri, ma o lea na amata mai le toaono talavou, sau a’i iu ina faavaivai le isi toatasi ae faaauau ai pea ona nonofo le toalima i luga o le taualuga.
E lei faigofie e tusa ma lipoti mai le Oranga Tamariki, a o iai le toalima lea i luga o le taualuga o lea na o latou faaleagaina ai ma le taualuga o le fale faapea security cameras ma e le gata o le a faasala talavou nei ae o le a suesue foi poo le ā le tele o mea ua faaleagaina.
O le o ai i luga o le taualuga ma faaleaga na mafua mai i ni feeseeseaiga ma le aufaigaluega ma mai le Oranga Tamariki o lea foi sa iai ma leoleo i le faaiuga o le vaiaso a o maso ai ma le taumafaiga o talavou ia omai saogalemu i lalo.
E oo mai i le taeao nei ua faamautinoa mai e le sui o le pulega a le Oranga Tamariki, ua saogalemu talavou ma e lei iai se isi o le komiuniti lautele na aafia atu ai.
