I le ono tausaga ua savalia talu ona faamautū le fesoasoani a le malo o Saina o le fausia o le nofoaga mo a’oa’oga o tomai faaleoleo, le Samoa Police Training Academy, o le Aso Gafua o le vaiaso nei na tauaao aloa’ia atu i le Malo o Samoa lea fesoasoani ina ua mae’a ona fausia.
O se vaega o le fanua tele o le malo o Samoa sa iai le falepuipui i Tafaigata ua aveesea ma siitia i Tanumalala, ua fausia ai le nofoaga tutotonu o a’oa’oga faaleoleo.
O se galuega e $33 miliona lona tau atoa, sa avea ai le amepasa o Saina i Samoa na te tauaao atu ki o le nofoaga i le ta’ita’i o le Malo le afioga i le tamaitai Palemia, o le saunoaga autū lea o le sauniga na tatala ma tauaao atu i le malo o Samoa le nofoaga.
Le ta’ita’i o le Malo le afioga i le tamaitai Palemia, Fiame Dr Naomi Mataafa, i lana saunoaga autū o le tatalaina o le nofoaga autū mo a’oa’oga faaleoleo.
Sa auai sui o le matagaluega o leoleo a le malo o Saina i le sauniga faapea foi malo valaaulia, o le Fofoga Fetalai ma minisita o le Kapeneta aemaise o le ta’ita’i o le Itu Agai sa amatamea i le fuafuaina o lea fesoasoani a Saina a o avea ma ta’ita’i o le Malo.
