E 35 tausaga o se alii Aukilani ua faasala nei i le to’ese mo le 3 tausaga ma le 9 masina i le mae’a ai o le faamasinoga i moliaga o lona aumaia ma le umiaina o ni faamaumauga ma’ale’ale, o ni ata pu’e o loo atagia mai ai ni faatinoga o sauga matagā poo le vaega ua ta’ua o le – importing objectionable material involving child sexual abuse and bestiality.
I talaaga o lenei mataupu, e faapea na taofia faapagota e sui o le Ofisa o Tiute le alii i le malae vaalele faavaomalo a Aukilani i le aso 31 o Me o le tausaga nei 2025, ina ua o latou mauaina le oo atu i le 21,482 o ata pu’e o loo i totonu o telefoni feaaveai e 6, ma le silia ma le 15,000 o faamaumauga fesootai atu lea i sauaga matagā o fanau iti.
Faamauina o le 40% o ia ata e faatulaga i lalo o faamatalaga aupito i ogaoga ma ma’ale’ale tele.
I se pepa o faamatalaga mai le Ofisa o Tiute poo le Customs NZ, na amata i lalo o galuega vaavaaia mo su’esu’ega a le auaunga lea tagata mai le tausaga talu ai, 2024 (a person of interest)
Ta’ua e le faatonu o le vaega o tiute, Chief Customs Officer, Child Exploitation Operations Team, Simon Peterson, o lenei galuega fītā o loo atagia ma faailoa tino mai le maua’a ma le tutumau o sui galulue uma e mata’itūina le puipuiga ma le saogalemū o tagata lautele; a o galuega faipaaga a auaunaga ta’itasi.
Faamauina o le tasi lea o mataupu faapenei ua aupito i telē na maua mai i le malae vaalele.
Puna o Faamatalaga: https://www.customs.govt.nz/about-us/news/media-releases/man-jailed-after-record-airport-seizure-of-objectionable-material
