E oo atu lava i le 26,000 tagatānuu Niu Sila na faafesoota’i e sui o le National Cyber Security Centre, ina ua o latou māua se polokalame faatekonolosi – ua ta’ua o le malware infection ua aafia ai a latou masini eletoroni.
Faamauina o lea polokalame faatekonolosi poo le software e igoa o le Lumma Stealer, o se polokalame e mata’utia tele ona aafiaga, e mafai ave faagaoi ai faamaumauga tāua, o imeli ma isi.
Ta’ua e le National Cyber Security Centre, o nisi o faamaumauga tagata ma gaoia, e fesoota’i lea ma le tele o faamaumauga a auaunaga a le malo ma faamatalaga i tusitupe i luga o initaneti.
Ta’ua e auaunaga o loo nafa ma le iloiloina o lea matāupu, e le’i faapea na aga’i tonu i se tasi ia osofa’iga peita’i na lē iloga se tasi na aafia o lea numera tele.
Ua fautuaina tagatānuu ua aafia e asiasi ane i luga o le itulau o le Own Your Online service mo auala e fesoasoani ai i lea faafitauli.
Puna o Faamatalaga: https://www.rnz.co.nz/news/national/581342/26-000-new-zealanders-devices-infected-with-malicious-software-cyber-security-agency-warns
