E tusa ma le 20 pasi a le Auckland Transport ua leaga ona o lologa na iai nei.

A o viia ai e le pulega le loto tetele o avepasi lea na faaauau pea ona tautuaina tagata femalagaa’i i taimi na lolovaia ai le tele o auala i Aukilani, ae le o mafai ona faamaonia mai poo a faatonuga na tuuina atu i avepasi a o iai i luga o auala.

O le taeao ananafi i Onehunga lea na sau ai le isi ata video o le pasi pe ā ma le ‘afa o lona maualuga lea na oo iai le vai, peitai e lei foi.

E ese le pasi lea ma le isi pasi na toe sau ai lipoti i le po o le Aso Faraile o le vaiaso talu ai i North Shore.