I totonu o le na o le tasi le itula ananafi ae 20 pepa o faasalaga na tuuina atu i avetaavale i Hawke’s Bay i le aveina o le taavale ma faaaogā le telefoni.
O pepa faasalaga nei na tuuina atu i totonu o le va o le itula e 8 ma le 9 i le taeao ananafi, ma o avetaavale ua faasala o lea na maua uma i se tasi o poloka a leoleo.
O lea e totogi e le avetaavale le $150 i Niu Sila i le taimi nei pe a maua o loo faaaogā le telefoni ma ave le taavale, peitai e ono sii lea faasalaga e pei ona muai fai mai ai le Palemia, Christopher Luxon i le masina o Fepuari o loo vaavaai nei e tuu ai i luga le faasalaga tupe.
Ua toe faamanatu mai ai leoleo i avetaavale e tuu ese le telefoni a o aveina le taavale, faatasi ai ma le lapataiga o lea lava o le a vaaia le tele o poloka a leoleo i soo se nofoaga ma soo se taimi a o galulue e tuu itiitia le tele o faalavelave tau taavale e ono tulai mai.
Puna o Faamatalaga: Cellphone police sting: Hastings checkpoint catches 20 motorists in just one hour – NZ Herald
