E silia ma le $2 piliona le tupe ua faamaonia mai nei e le Minisita o le Puipuiga a Niu Sila, Judith Collins ua faaagaga nei mo ni vaalele fou poo helikopa se lima, mo le auaunaga e puipuia gataifale o le atunuu le maritime, ma le $957 miliona o le a faamatuu atu mo le fuafuaga ma galuega faatino a le vaega o le Puipuiga poo le Defence Force a le atunuu mo le isi 4 tausaga.
Na fesiligia e se tasi o le aufaasalalau le tamaitai Minisita pe ono vaaia se siitaga mo tagata galulue i lea matātā i le puipuiga o le atunuu mai seleni ua faalauiloa mai, ae le’i mafai ona tali sa’o le tamaitai Minisita ia Judith Collins.
Na pau lana tala na faailoa o lea na maua siitaga a le aufaigaluega i le tausaga na se’i mavae atu nei, o loo maua foi nisi o a latou seleni poo alauni ma penefiti i taimi e aga’i ai i galuega poo deployment.
Puna o Faamatalaga: https://www.newstalkzb.co.nz/news/politics/budget-2025-defence-force-choppers-to-be-replaced-at-cost-of-more-than-2b-judith-collins/
