E $190 miliona tupe o le Kiwisaver ua inivesi i kamupani e iai sootaga ma le gaosia o laau malosi, pomu ma ututau.
O ni faamaumauga mai le Mindful Money, e ui o le silia ma le 80% o tagata Niu Sila e lē manana’o e inivesi i nei kamupani.
I molimau a le to’atele i le Checkpoint, latou te lē iloa poo fea o loo alu iai a latou tupe o loo totogi mo Kiwisaver.
Ae mai le Mindful Money i tala a le leitio a Niu Sila e foliga mai e lē o matua’i manino le laina e kolosi ai le inivesi.
I se tali tusitusia a le minisita o pisinisi, David Clark o lea na aapa mai le malo i le tausaga talu ai ma faia nisi o suiga i providers ma le mafai ona inivesi i le gaosiga o nei aupega ma o le a faaauau pea ona iloilo auala e faaleleia ai.
