Ua faailoa e le Matāgaluega o Tupe a le malo le faia o se faatautu’i mo taavale e 19 a le malo sa faaaogā e pei o taavale e aofia ai pikiapu ma van.
O le maualuga o le tau o ia taavale e 35 afe faasolo ane ai i le 22 afe ma le taavale pito pa’ū le tau e 6 afe tālā.
O ia taavale e 19 o le a faatau ese sa faaaogā e matāgaluega e pei o faamasinoga, soifua mālōlōina, taavale sa faaaogā e faamasino o le Faamasinoga Maualuga ma le Faamasinoga Faaitumalo, ma nisi o taavale sa faaaogā e le Matāgaluega o Tupe a le malo.
O le Aso Lulu 17 o Tesema i le nofoaga o loo iai le lotoā a le malo i Vaimea o le a faia ai lea faatautu’i ae o tagata uma e fia auai e tatau ona lesitala muamua i le Matāgaluega o Tupe.
