O loo vaavaai nei le matagaluega o leoleo e vāea le 170 o avanoa faigaluega, ma o se faiga o le a faasao mai ai le $53 miliona.
O se tasi lea o faai’uga e tali ai le faatonuga mai le malo lea o loo faaauau ai pea ona vāea tagata galulue a le malo, ma o le 170 leoleo ua faailoa mai o loo vaavaai e vāea i totonu o le 4 tausaga o i luma.
Saunoa le Komesina o leoleo Andew Coster o lea fuainumera e lē o aafia ai i latou nei o loo i le frontline service, peitai e na o tagata galulue i le corporate.
Ae i se tali a le asosi o leoleo, e tusa lava poo le corporate e aafia ai lava le faatinoga o galuega a le frontline.
O le vāea o loo fuafua o le a faamuta ai avanoa faigaluega e 248 ma o lea 248 o loo iai le 128 e lē o galueaina, ae faatulai mai le 78 avanoa faigaluega.
E amata faatalanoaga o lea vāea i totonu o le 3 vaiaso, faamoemoe e faamautu i le faai’uga o Oketopa.
Puna o Faamatalaga: Police to axe 170 roles in bid to save $53 million | RNZ News
