E 150 avanoa faigaluega a le Auckland Transport o le a lē toe iai.
O se tala faanoanoa na ia faailoa mai anapo i le mae’a faatalanoa i le Checkpoint o le Pule Sili Dean Kimpton lea foi ua polomisi mai ai i le taumafai ia toe faafoi le pisi o pasi, train faapea feoaiga i vaa feoai i le sami a Aukilani i le pisi na iai a o lei sau le Koviti.
Na ta’ua foi e le Pule Sili fou o loo faaauau nei feutanaiga ma le malo mo se isi tupe faaopoopo e faatupe ai femalagaiga i Aukilani a o lei uma lenei tausaga.
Māua e tala fou o le vāea o le a alu ai le 150 tagata faigaluega a le Auckland Transport ua sau ai i le mae’a fofola mai o le tusi a le Auckland Council o loo manino ai le paketi o lenei tausaga lea o le a faaitiitia ai tupe mai le council mo le pulega.
O loo malamalama le Pule Sili i le lē toe talitonuina e tagata Aukilani o le Auckland Transport e mafua i le lē faamoemoeina o le tele o malaga a pasi, lea a lē o le fiu e tatali, tuai poo le leai lava o se malaga e taunuu.
A o ta’u mai ai le vāea, o loo iai fuafuaga afai ae maua mai se isi tupe faaopoopo mai le malo o le a sii ai totogi ma faatupe nisi avepasi.
