Ua oo atu I le 124 cases fou ua faamauina mai I totonu o Niu Sau Uelese I Ausetalia ma o le aofaiga tele lea ua faamauina talu ona toe pepesi le faamai I le setete ini nai vaiaso ua tuanai atu.
Ole faaaliga mai le premier Gladys Berejiklian ua taua ai a itiiti mai pe a ma le 70 oi latou ia sa iai lava I le komiuniti ae ua aafia ile faamai mae le taumate o le a siisii pea I luga le aofai o tagata aafia.
Faaalia e le premier o le pepesi lea ua vaaia nei e lei vaaia muamua I isi tapu na faia I le atunuu ma talu mai le aso 16 o Iuni na toe amata pepesi ai le faamai , ua oo atu I le 1648 cases I le setete ma le toalima ua maliliu.
O Greater Sydney ma isi faaitu lalata ane o loo faatalitali pea I se tala mai I le faaiuga o le vaiaso I nisi tuutuuga ole a iai e ui na taua e Berejiklian ile aso ananafi e tatau ona matuai tape le vairusi ona faatoa silasila lea I le aveesea o nisi o sa o loo iai I le taimi nei. O le aso 30 o Iulai lea sa toe faatulaga iai le tatalaina o le tapu.
Ua amata nei foi le tapu I isi faaitu o Niu Sau Uelese e pei o Orange ma isi pitonuu lalata ane ina ua faamaonia le aafia o se ave kiliva mai Sini ma pesia atu ai se tagata faigaluega I se factory I Orange.
O le uluai taimi lea ua aafia ai se tasi ma faia ai ni poloaiga o le nonofo I le fale mo faaitu ia o Niu SaU Uelese ma ua unaia pea le faia o siaki ma tuipuipui.
