E 112 cases fou o le koviti ua faamauina I Niu Sau Uelese I totonu o le 24 itula e oo mai I le ta o le valu I le po anapo.
Faailoa mai lea faamatalaga I le feiloaiga a le premier ma sui ole Matagalluega o le Soifua maloloina I Niu Sau Uelese ma le au tusitala I se taimi e lei mamao atu.
O le 34 o ia cases mai le komiuniti ma ua oo atu nei le aofai o cases I totonu o Sini I le 678 talu mai le toe pepesi ai lea o le faamai.
E 63 gasegase o le koviti o loo taofia I le maota gasegase ma le toa 18 o loo ile vaega tigaina, toafa o loo faaaoga le masini manava.
Ua le taumate o le a leai se faamoemoe e tatalaina ai le tapu I le vaiaso nei e pei ona agiga I faamatalaga mai le Matagaluega ma le premier e oo foi I nisi o tuutuuga faatatau I le tapu.
Fai mai Gladys Berejiklian e manaomia ona faaitiitia mai le numera o tagata o loo aafia ile komiuniti ma e taua tele le usitaia e tagata o faatonuga ua tuuina mai mo le saogalemu ma le vave ona agai ese mai ma le tapu.
O fautuaga e sili ma aupito I saogalemu le nonofo I le fale sei vagana se tulaga ua matuai manaomia ona faatino poo le faatinoina foi o galuega e le mafai ona faatino atu I maota ma laoa.
