Ua savali nei le 57 tausaga talu ona talia e le malo o Samoa le polokalame fesoasoani a le Malo tele o Amerika o alii ma tamaitai pisikoa.
O le vaiaso nei ua amata galulue ai le to’a sefulutasi o alii ma tamaitai pisikoa mai lea polokalame i le a’oa’oina o fanau a le atunuu, e lē gata o aoga i Upolu ae faapea i Savaii.
O le Aso Faraile ua mavae na aloa’ia ai le amatalia o a latou galuega fesoasoani ma tuuina aloa’ia atu ai i latou i le Minisita o le Matagaluega o Aoga ma Aganuu le afioga Seuula Ioane.
O le polokalame o pisikoa na amata faavaeina i le tausaga e 1961 i le taimi o avea John F Kennedy ma Pelesetene o le Malo Amerika.
