Search
Search

100 Tausaga o le Asosi o Tama ma Teine tuai a Malisi

O le faaiuga o le vaiaso na tea nei na faatautaia ai i le Fale o Samoa i Magele le faamanatuina o le 100 tausaga talu ona faavae mai le Asosi a Tama ma Teine Tuai a Malisi (Marist Brothers Old Pupils Association Samoa).

Na molimauina le toatele o sui o tama ma teine tuai na aotauina i le Ekalesia a le Katoliko o loo i totonu o lenei asosi na auai ma patipatia lenei matati’a.  

Sa faapea ona auai atu foi lē sa avea Faipule ma Minisita o le Palemene, le afioga ia Aupito Su’a William Sio, faapea le sui faipule o Magele, le afioga ia Lemauga Lydia Sosene. 

Na molimauina foi le auai ai o le afioga i le Konesula Aoao o Samoa i Aukilani Niu Sila, Afemata Palusalue Faapo II ma le toatele o uo ma paaga o le Asosi o Tama ma Teine Tuai sa auai auā le faamanatuina o le atoaga o le 100 tausaga talu ona faavae mai le asosi.  

E lē gata ina auai sui o le asosi ma paaga ae sa faapena foi ona auai sui o asosi o le Kolisi o Samoa (SCOPA) ma Avele (ACOPA) sa tuuina atu foi lo latou tau’au fesoasoani ia Malisi. 

Ua faamauina, e lē gata ina faamanatuina o lenei matati’a ae o se faamoemoe na manatu le asosi a Malisi e maua ai le avanoa e tuufaatasia ai nisi o fesoasoani auā le atina’e o aoga o loo aotauina i le Ekalesia Katoliko i Samoa, e pei ona iai avanoa sikolasipi mo aoga a Malisi i Samoa. 

Mo le silafia o se tasi nei o polokalame o loo faaauau pea ona faatino e le Asosi mo aoga a Malisi o loo i Samoa. 

Ua 18 nei tausaga talu ona faatino galuega fesoasoani a le asosi a Malisi mo aoga i Samoa.

Tala sili ona faitaulia

TALA MAI NIU SILA

SAMOA UPDATE

PODCASTS

Listen on

Tala mai samoa

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required