E $10 miliona le tupe ua faamatuu mai e le Faletupe o atinae a Asia mo Samoa o se vaega o le 38 miliona lea ua faamatuu mai i nisi o atumotu o le Pasefika aua mafatiaga o faalavelave faanatura.
O Samoa, Kiripati, Solomona ma Tonga lea ua faamatuu mai iai ia tupe fesoasoani.
Ua faailoa e le faatonu o lea faletupe o le fesoasoani lenei ina ia mautinoa e vave tali atu i manaoga mo le toe faaleleia o atunuu mai faalavelave faanatura e ala i le faia o paketi e vave faamatuu atu e fesoasoani i tagata lautele.
O Samoa ma atunuu o loo faamanuiaina nei i ia fesoasoani o atumotu aupito sili ia ona mafatia i suiga ogaoga nei o le tau ma faalavelave faanatura peitai i fesoasoani ua tuanai a lea faletupe o loo molimauina le fesoasoani tele lea i le faamalosia o faigafaavae, a Tulafono ma tapenaga o le tali atu i aafiaga ogaoga o faalavelave faanatura e aofia ai ma le itu tau faalavelave tutupu faafuasei tau soifua maloloina.